Ang traysikol gamhanan,
Makatabang sa katilingban.
Mabarangay, masyudad o mamunisipyo man,
Dad-on ka bisag lubak-lubak o liko-liko nga dalan;
Maoy iyang kalingawan.
Kauban sa kaguol o kalipay,
Sa paspas nga dagan o hinay,
Sakay kanunay si Dodong ug si Inday,
Nga magmaoy-maoy; magmahay-mahay,
Kay lagi ma late sa eskwela o trabaho usahay.
Kaniadto ug karon,
Traysikol ang madali-dali nga parahon,
Usahay palabyon, pangutan-on,
Libakon, pakyawon,
Amigohon, sugo-suguon.
Sa pag-abi-abi sa adlaw,
Bisag asa man maglatagaw,
Bisag asa pa man ang panaw,
Ang traysikol magpabilin sa atong isip…
Tin-aw.
Jhon Steven C. Espenido, 23, is a creative writer. He loves to create poems that depict human society.
