Badong: Ui! Nadaog atong silingan pagka-Miss Universe?
Onyot: Naunsa, kalagyo ba nato sa ilaha uy.
Badong: Diba Nicaragua man tawag sa atong lugar sa una?
Onyot: Nicaragdao man to.
Badong: Oo, also known as Baryo Patay. Wala pa ka gitawo atong panahon.
Onyot: Ngano bitaw gitawag nga Nicaragdao ang Agdao sa una?
Badong: Ay, sa una man gyud, kusog kaayo ang mga rebelde dinhe sa Davao, unya niabot na gani dire sa atoa. Mao sab nagawas pod ang Alsa Masa. Hastang gubota atong panahona.
Onyot: Mao pod istorya sa akong tito. Mag sige daw’g hapa-hapa. Unya kada gabii matukaw sila kay naa daw zoning sa mga panimalay, tudloon kung kinsa nag tabang sa mga rebelde. Hadlok lagi daw.
Badong: Pero, tuod, ngano bitaw gitawag og Nicaragua ang Davao? Nyot, tan-awa daw imong internet kay hawod ka ana.
Onyot (nagtuplok sa phone): Ah, kay sa susamang panahon, kusog diay ang mga rebelde sa Nicaragua nga gitawag nilag Sandinista. Nagsupak sila sa ilang diktador.
Badong: Pareho diay ta og history sa ilaha. Unya, unsay nahitabo?
Onyot: Nakadaog diay ang Sandinista sa eleksyon sa 1980s. Pero naghilabot daw ang CIA ug nagkagubot na pod, natanggal ang Sandinista.
Badong: Aw, murag Alsa Masa pod, nag-away.
Onyot: Pero na’y plot twist. Human sa pila ka tuig nga kalisod sa Nicaragua, nidaog na pod ang kanhing presidente nga Sandinista, si Ortega, sa 2006. Apan napabilin sya sa pwesto hangtod karon. Gi usab ang balaod nga mabalik-balik siyag dagan pagka-presidente. Iyang asawa nahimong bise presidente. Nanag-iya na sya og istasyon sa media. Gipa-preso niya mga nag welga supak niya.
Badong: Sounds very family.
Onyot: Pero karon, si Miss Nicaragua na ang Miss Universe.
Badong: Ug tuod, naa bay World Peace, nga mao man permi gina litok sa Miss Universe?
Onyot: Gera man gihapon sa Gaza. Sa Ukraine.
Badong: Dapat kana ang pangutana sa mga contestant. Unsaon nimo pag sulbad sa problema sa kalisod ug kagubot sa kalibutan karon?
Onyot: Sayon lang na tubagon sa Miss Philippines: UNITY!
Badong: Didto na!
Onyot: Bitaw. Karon lingaw-lingaw na lang ta aning beauty contest, pero atong lugar ug atong panggamhanan wa’y beauty.
Badong: Kung diri na lang sa Pilipinas ipahigayon ang Miss Universe. Murag gihimo sa El Salvador, diba nasikat sila? Basin malambo hinoon ta dire.
Onyot: Murag lisod kol, kay grabe ka igang dire. Malanay ilang make-up.
Badong: Ug mabagyohan sab, mabahaan, ma kagiron ilang hamis nga kutis.
Onyot: Grabe pod ang trapik basin ma late sila.
Badong: Pero kadto si Miss Philippines kay eroplano to iyang costume, dili to ma late.
Onyot: Ma-late pod oi, delayed flight. Mao to wala ko nadayon ka-abroad.
Badong: Ngano bitaw nalingaw na ta aning beauty queen? Bisan mga bata gusto na mag apil ani, or mahimong artista.
Onyot: Bitaw, unta kanang pa utokay na pod. Luoy na atong mga bata dili na daw kabalo mobasa.
Badong: O sa sports na lang, daghan man tag talent, wala lang gitagaan og chance.
Onyot: Mas naa pa tay chance siguro mag world peace sa sports. Naabot lagi ta diha, mura bag modagan tag presidente.
Badong: Mura bag gwapa ta?
Onyot: Representing Nicaragdao! Boom.
(MindaViews is the opinion section of MindaNews. Tyrone A. Velez is a freelance journalist and writer.)
