Sa kaadlawon nako natagamtaman
Ang gipangita nga kagawasan
Saksi ang mga bituon ug bulan
Ning komplikado nakong kalibutan
Wala ko masayod ning kinabuhia
Aduna koy mga pangutana
Daghan koy gihunahuna
Labi na karon nga orasa
Diin ang kangitngit ming duaw
Diin may hustong kamingaw
Diin ako naglatagaw
Gigakos ang kabugnaw
Apan muabot ang panahon
Nga mag-inusara ang kaadlawon
Kay dili sa tanang panahon
Ang kangitngit akong pilion
—Magmalig-on
Jhon Steven C. Espenido, 23, is a creative writer. He loves to create poems that depict human society.
