Sadyang panahon
Christmas party left and right.
Wâ bay nalimtan?
Niining pagsaulog
unsa man ang hinungdan?
Buhong ang Pasko
sa kaon ug regalo.
Hain si Kristo?
ngisi talidhay
kombira ug hudyakà
may gihimugsò
sa hilit nga pasongan
walay kapasilongan
pwerteng kagahob
tokar nga alingugngog
daghan ang hubog
ayaw kalimti
lintunganay niini
batang natawo
alang sa Katubsanan
sa krus damlag ilansang
Eric S.B. Libre
19 Disyembre 2017