Giyera na sab, way nausab
Mao nay change is coming
Mas mudaghan na’ng bombing
Kay sige nag pinatyanay
Daghan gyud mawad-ag tatay
O di ba kaha kuya o nanay
Maayo untag sila lang
Sa mga bala matikangkang
Sa mga granada matikwang
Di maapil ang katawhan
Apan kay giyera baya
Way pili ang nakataya
Tigulang man o bata
Apil tanan sa maong hulga
Sa kamatayon ta maglumba
Sus kalami sa mga saad
Apan kalit man milubad
Kung ako pa lang gamhanan
Madyikon nako nga malimtan
Ang tagsa-tagsang kayugot
Nga maoy hinungdan sa kagubot
Apan bisan wa koy gahum
Ang baba di gihapon itak-um
Kay daghan gihapon mukuyog
Sa kalinaw makigduyog.
(MindaViews is the opinion section of MindaNews. Richard Vilar is Artistic Director of Kaliwat and Acting Curator of Museo Dabawenyo, a theater artist and storyteller)