Dinhi sa amoa
kung mag-ulan
grabe ka uga
bisan bagyo pa
mor pa
grabe gyud ka mala
Ayaw katingala
uso ni dinhia
sa gawas nagbaha na
pero sa gripo zero
wa’y ligo ang mga tawo
wa’y hugas mga plato
Puwerti kapait
o water district
wa’y undang ang bagulbol
sa madlang pepol
kinahanglan kuno duna’t i-football
dili kasulbad sa trouble
Ambot bitaw
kini makaulaw
Kusog ang bagyo buaw
pero kanamo wala’y
tubig nga miduaw.
(Si Ramon Jorge B. Sarabosing usa ka manunulat ug visual artist sa dakbayan Sa Butuan)