Kung tinuod ang balita
nga gitagoan daw ang
mga pobre sa Manila
sa pagbisita sa Santo Papa
makaingon ka, ka-grabe na ba
Unsaon gud pagtago
nga ang mga pobre nagkalata na.
Tan-awa ang kadalanan
mga bata didto nangatulog na lang
biniyaan sa mga ginikanan
Ambot nganong walay nag-atiman
problema ing-ini dugay na man
disiplina gyud ang kulang
Mga bitaw tung bata
sa Santo Papa nangutana
nganong sa Ginoo kini gitugtan
Dili ba kini kakulangan sa gobyerno
ug sa simbahan mismo?
Daghan ang hinungdan
ug dili matago ang kamatuoran.
