Simbako palayo!
Dili unta mauso sa atoa ang hulidap
bahala’g laganap ang carnap
o tricynap
dili lang parak nga mamaak
wa jud ta’y dag-anan
kung ang magbalantay sa kalinaw
mga impakto diay
Nah! unsaon na lang ang humay!
Asa na man lang ta ini modagan og tabang
alang-alang ngadto sa kawatan
daghan naman ni silang makasalanan
angay jud ta mag-andam-andam
magtuon og judo o kungfu
basta di jud ta papilde, lisod nang masikwati
basta tan-awa pag-ayo
ang nag-bantay sa kanto
ilabi kanang dako og tiyan
kay basin ikaw maisahan.
(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)