Kaluoy sa mga kabatan-onan
ang ilang namat-an
gobyerno’ng gipadagan
sa mga korap slash kawatan,
trapo, dynasty, epal, pastilan!
kaluoy sa mga tawo
mapalit sa ilang boto
pwerti pa jud kabarato
unya mopalag sa serbisyo
slash tinonto
Wala na ba’y kabag-ohan?
pangutana sa kadaghanan
duna gud, nganong wala man
pero magsugud sa matag-usa
dili mag-pahaylo sa baligyang boto
busa di gyud matingala
kung ang senado ug kongreso
nanobra ang pondo
nag-awas-awas, ginoo!
Samtang ang ubang departamento
anemic kaayo
Mobalhin na lang kaha ta
sa laing planeta
Uban ta ni Imelda
ambot asang spidnoha!