Ambot lang ninyong tanan
sa national artist wala ko’y pakialam
pero kung ako ang pabut-on
ako moingon
si Yoyoy Villame angay padaugon
ang iyang mga kanta wala’y kamatayon
makalingaw, sa radyo buntag pa
ikaw mo-agik-ik na
Mga bata ug tigulang matarantar
kung ang “Mag-exercise ta sayo
sa buntag” ipatukar
mag-lumba og sayaw
puwerti ka-lingaw
grabe gyud ka lawgaw
duna pa’y mensahe, dili lang pasiaw
mao ni tinuod nga artista sa musika
ning-connect sa masa
Unta moabot ang panahon
si Yoyoy ilhon
artista sa nasud
sa kalipay ug kalisod.
(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)