Ngano gud intawon
intawon wad-on
ang pork intawon

mag-unsa na lang
ang mga honorables intawon

dili na sila kadawat intawon
og gamay nga porcento
dili na ganahan motrabaho
(dili na pud ang mansion ma-kumpleto)

dili na unya intawon masugdan
ang farm-to-market road
ug ubang kabulastugan
kung wala’y pundo ang kaban

wala na pud intawon unya’y modagan
pagka-senador ug congressman
mag-unsa na lang

busa, please lang
as is na lang

as is na lang intawon
bahala’g pork habhabon ug magikon
mantinir na lang ta og bihon.