Dili tiaw ang kaguol, kabalisa
sa nahitabon sa Maguindanao
kitang tanan nahagsa
daw bata’ng nagkapakapa
ilalom sa kangnitngit
sa kahadlok gidagit
Ngano man
pangutana natong tanan
unsay hinungdan
daw inosente kita
sa kamatuoran
sakit gayud palandungon
mga magsuong Pilipino
ang panit ug damgo pareho
Kitang tanan
daw gilamoy sa kagabhion
bisan gani mga bitoon
miduyog sa kawad-on
Apan kini atong latason
mga tunob padulong
sa sidlak sa kaadlawon.