Ang kamot maoy ila instrumento,
Makuha lang nila ang ilang gusto,
Kuhit diri, kuhit didto
Mao na ang ilang paborito.
Sa oras dili sila strikto,
Buntag, gabie o udto
Daw bahala sila gikuto,
Kalot diri, kalot didto
Makuha lang nila ang ilang gusto.
Pursigido sila muasenso,
Sa edad nga sais, syete, otso
Init diri, ulan didto
Andam sila mupaso,
Makuha lang nila ang ulo,
Sa atong mga gituohang hero,
Daw bahala piso,
Singko o dyes mas maayo,
Malipay na intawon sila sa sinsilyo.
(Jhon Steven C. Espenido, 23, is a creative writer. He loves to create poems that depict human society.)
