Mahalaga at sagrado
Ang buhay ng bawat tao
Ingatan ng taos-puso
Daig perlas na ma giliw
Sa sakim at karahasan
Huwag gawing kasangkapan
Lalo na kababaihan
Diwa ng bawat tahanan
Marilag, mahalimuyak
Halamang namumulaklak
Sa magulang sila’y anak
Mahal na tunay at tiyak
Kabataan ay ingatan
Dakila yaman ng bayan
Sa langit na karimlan
Wari gasuklay na buwan
Bawat iyak na may tinig
Marinig sana ang himig
Maniniil nawa’y maantig
Yakapin na ng pag ibig
(Mindanawon Abroad is MindaNews’ effort to link up with Mindanawons overseas who would like to share their experiences in their adopted countries. Gamson Jr Mawallil Quijano of Sulu is a registered Radiologic Technologist who works in Doha, Qatar).