BUTUAN CITY (MindaNews/09 Sept) —
Naudlot nga Kalipay
ang akong mga barkada
excited moadto sa Surigao del Sur
aron ma-miesta
mag island-hopping, snorkeling
ug magsuba-sugba
halos di makatulog sa kagana
apan kalit nga nag linog
dili basta-basta’ng tay-og
busa ning-puli ang pagduhaduha
kung mopadayon ba
unsaon na lang
ang aftershocks ug tsunami
simbako! Diyos panalipdi!
nanghinuklug gyud mi
unya ngil-ad pa gyud ang panahon
ulan, dag-om ug hangin
unsaon naman ni
mopadayon pa ba o dili na?
kay ready na ra ba
isip-isip ang resulta
nakahukom ang tanan
nga mag mcdo na lang
kay kung mag linog na pud
sa gawas ra mang gukod.
(MindaViews is the opinion section of MindaNews. Ramon Jorge B. Sarabosing is an artist and writer based in Butuan City)