Gisaulog ang teacher’s day niadtong sabado
ambot kung tibuok kalibutan nakabalo
angay ra ‘sab nga pagasaulogon kini
kay ang ilang sakripisyo ug kakugi
dili basta-basta
nag-trabaho sila adlaw ug gabii
overworked pero underpaid
gipahimuslan, kayod todo-todo
ilabi na kung na-a sa gobyerno
ang senatong, tonggressman
milyon-milyon ang suweldo
ang teacher intawon, sensilyo
maong ayaw katingala
kung si mam mamutos
sa iyang sapatos
mag-ofw kay dili
intawon makaantos
mas maayo pang mag-domestic
sa Saudi kay suweldo realistic
pamilya mabulahan
kung economic ang panaghisgutan.