Kaanindot paminawon
ang dalan sa kalinaw
sa pinanggang Mindanao
lamdag na ang paingnan
angay ikalipay sa tanan
panahon na gayud
ang magsuong moro
ug kristiano magkahiusa
sama sa usa ka pamilya
kay kung tugkaron
usa ra kita
mga anak sa Mindanao
bukid Apo amahan ta
kasapaan inahan ta
pagsubang sa adlaw
igsoon kita
bituon sa kagabion
kanato mopahiyom
moapil ta sa pagsabwag
sa tinuod nga kalinaw
kay ang ugma unya mabulukon
damgong angay kab-uton.