ang among barangay kapitan
hilabihan ka-kugihan
maong dili angay alisdan
ambot lang sa uban
kay ang ilang kapitan
hilabihan ka tapolan
halos dili makit-an
maayo lang sa pa-pormahan
o sipsipan sa tongressman
wala’y ‘ayo, ambot nganong gi-boto
aw, kay namalit pud diay og boto
boto’ng tag-singkuwenta
pagka-cheap gyud nila
pero mirisi pud nila
wala’y kisaw ang barangay nila
bisan kuryenti
dili mataod sa poste
busa pulihan ang kapitan
bulakbol, dili angay palingkuron.
(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.)