Sa wala pay pagsubang sa adlaw
Mabati na nimo ang ilang pagkaraw-karaw
Sa ilang paninda nga gipang-displi
Nang hinaut nga mahatagan og bili
Ni Dodong ug Inday
Ug sa lain-laing katawhan nga lumalabay.
Sa wala pay pagsubang sa adlaw
Imo nang masaksihan o malantaw
Ang ilang pagpaningkamot
Gamit ang baba ug kamot
Para sa pamilya ug sa kaugmaon
Para sa ilang inadlaw-adlaw nga pagkaon.
Sa wala pay pagsubang sa adlaw
Hinaut unta naay mupakyaw
Sa ilang produkto nga gihagoan
Pagdispli niining taboan
Hala! Sinaw ang prutas ug gulay
Pampahaba ng buhay.
(Jhon Steven C. Espenido, 23, is a creative writer. He loves to create poems that depict human society.