Kaniadto—

Pamahaw ang nisugat sa imong adlaw
Init nga kape andam kang mutilaw
Parisan nan kan-on nga bahaw
Itlog ug bulad nga nag sinaw-sinawa
Lami kaayo imong pamahaw

Paniudto ang labaw nimong gusto
Sinuglaw mao na imong paborito
Dia pay kalibre ug kamote nga barato
Ug soft drinks nga bugnaw kaayo
Pastilan sulbad imong paniudto

Panihapon ang pinaka-sayon
Saksi gyud ang mga uling ug bituon
Sa mga karneng barbecuehonon
Aron imong kagutom mahanaw intawon
Kay gikan sa eskwela tibuok hapon

Apan kon imong huna-hunaon
Pasalamat gyud ka sa imong mga na-angkon
Ug matud pa, ang uban natong mga igsuon
Ang ilang isulod sa baba ila pang hanaponon
Usahay tinibo pa gyud ang pamahaw, paniudto ug panihapon

(Jhon Steven C. Espenido, 23, is a creative writer. He loves to create poems that depict human society.

)