WebClick Tracer

HABAGATNONG HINAGAWHAW: Mga Talan-awon sa Valentine’s Day

habagatnong hinagawhaw column title mindaviews

Nibatog sa hayhayan
gamay abohong langgam
nga nag-inusara lang
ug wala nay kauban.
Ngano man nga nawagtang
ang kanunayng kauban,
siya ba gibiyaan?

Kamatuorang subo
kini ang nahitabo:
ang kapikas nahanaw
nitaliwan nipanaw
maayong pagkasapo
sa nilupad nga bato,
pintik sa batang pilyo!

Nidung-aw sa bentana
mama nagkugos bata
nga wa kakitag papa,
haskan tawon luoya!
Asa diay ang papa,
ni-abroad sa Ostrelya
o nag-ilis asawa?

Kini kamatuoran:
pait nga kapalaran
bata papa nawad-an,
nabiyuda ang inahan
kay papa demalas man
ug usa sa natungnan
nga napagan sa tokhang.

Your perspective matters! Leave a comment below and let us know what you think. We welcome diverse viewpoints and encourage respectful discussions. Don't hesitate to share your ideas or engage with others.

Search MindaNews

Share this MindaNews story
[custom_social_share]
Send us Feedback