Ang naglaray sa pasilyo ubay-ubay na, ang uban naglingkod pero naa pod mga nagbarog ra. Ang pipila naay mga bata nga dala nga dinha sa pasilyo gawara-wara. Ang tanan usa ray gipaabot nga walay klaro unsang orasa moabot, kay sa iyang oras way laing magbuot -- ang nanaghulat way mahimo gawas sa pagpaabot. Naa nay gilaayan, hapit na magmug-ot, duna pod nanghupaw, pugong-pugong sa utot, pero wala gyoy nakaako pagbagutbot bisan pa nagsugod na og kalagot. Ug dihang mipatim-aw sa kataposan sama sa Adlaw nga gikahinaman mipahiyom ug nagpasalamat ang tanan sanglit anaa na gyod ang gilaoman nga mohiling ug mohatag kahupayan sa among tagsa-tagsang gihambin nga balatian. Eric S.B. Libre 28 Oktubre 2023