Kung ikaw nag-plano mag-negosyo
pagtukod og hospital
kay sigurado
tagoanan sa mga kawatang politiko
ilang kabulastogan kung mabisto
puwedi pud heart o eye center
o sa bisan unsang klaseng cancer
ang mas kuyaw, the better
Daghana ang wheelchair
para kang mam ug sir
siyempre dapat airconditioned
ug naay television
ang private room kinahanglan
mura kadako sa gymnasium
adlaw-adlaw gud ang mga bisita
kapin saisenta
dapat ang front lawn dako ug hawan
sa mga supporters rallyhan
mga supporters nga binayran
Siguraduha gyud nga spic and span
timan-i, kusog lagi ni
dangpanan gyud ni sa mga gamhanang kawatan
ikaw unya sa ginansya mabulahan.