Di naman ni bag-o
racket sa pipila ka
taga TV ug radio
Pastilan Ginoo
panaway wala’y preno-preno
dayon kobra sa bangko
ang timpla mautro
kada bulan mura’g pasko
dawat regalo slash sustento
dayig permi sa politiko
o proyekto ni Tagpulano
sipsip numero uno
drama nila advertisement o deny
gasgas na alibi
mga bayarang tunay
mangutana ka pa
unsa’y deperensya
sa mga buaya
ug pipila ka taga-media?
Salamat na lang
dili tanan swapang
kay sigurado gyud
ang nasud samot mag-kamang.