Sosyal na karon ang
mga dagkong buaya
sa gobyerno ug pribado

kung mag-atubang og kaso
sa sakit kunohay magpalaban
sa hospital modagan

didto, naa nurse moatiman
aircon, dili electric fan
VIP visitors also welcome

escorted sa 50 ka sundalo
ambot kung ngano
wala apili og tanke-de-gera
pila ra unya pag-bomba
lechon ang kontra

sa wheelchair ang gimmick sa uban
o mokaratil og dagan
motago sa Carribean
pildi si Invisible man
ug wonder woman

Ambot kaha kung puhon mag-balikbayan
basin dili na, maayo ra
aron minos na ang salot sa bayan.

(MindaViews is the opinion section of MindaViews. Ramon Jorge B. Sarabosing is a writer and visual artist based in Butuan City.

)