sa panahon sa kalisod
mga opurtunista manggawas pud
ang uban manago og pagkaon
bisan sa tanan unta ipang-apod-apod
unahon nila ang kaugalingon
o di ba kaha gamiton sa election
kandidato mangawat og attention
kapal-muks mao ni giingon
wa’y nadang intention
sa panahon sa kagutom
wala unta’y pilion
admin man o opposition
pobre man o adunahan
mag-angay-angay ang tanan
wala pud unta’y manghatag
nga aduna’y kondisyon
magbuot ug mag-mando
kinahanglan ang tanan
anaa sa equal cooperation
sa panahon sa kalisod
kinahanglan ipamatuod
nga kitang tanan managsoon
magtinabangay sa kangnitngit
ug sa kabuntagon.
(MindaViews is the opinion section of MindaNews. Ramon Jorge B. Sarabosing is a writer-artist based in Butuan City.)