Excuse me sir bise presidente
nganong imong anak si nancy
gipadagan nimong senador
daghang commentator nag-ingon
binuang ni nga pabor-pabor
palakasan ra kuno ni
pasiugda sa makati
walay kalaki
abilidad ug ngilngid nga agi
ang angay basihan sa pagdagan
dili kadugo ug pakapalan
makalagot hunahunaon
katawhan bahugan lamang
sa anak, asawa, igsoon
ing-ini na ba gayud
kita ka uyayod karon?
mga politico intawon
nahurot na among pasiensya
insakto na
ang nasud nagbaguod na
wala ba mo’y konsiensya?
(MindaViews is the opinion section of MindaNews.[]
Ramon Jorge B. Sarabosing is a writer and artist based in Butuan City)