ang political dynasty
mura’g dunot nga panty
dili ka sure
kung gamiton pa
o ilabay na
o di kaha
himuon na lang og trapo
sa tsinilas pahid-pahiran
kung ting-ulan
pagtan-aw mo pa lang
di ka na ganahan
luod kay kasagaran
mga nawong karaan
wala man po’y nahimo
sa katilingban
kung dili nagpa-tambok
sa kaugalingon lamang
ug karon ang asawa,
anak, kabit, alalay
ang gipadagan
hala! inyo na ang tanan!
queber oroy kung
walay kapaingnan
‘ning nasud ‘tang natawhan
mag-antos ta kay
ang panty baho ug
wala na’y hinungdan.