karon ang panahon
dili na matagna
dili sama sa una
na dali rang mabanabana
karon ang ting-ulan
mura na og bagyo
ang bagyo wala
na’y gipasaylo
sa manila ug sikbit
nga kalungsuran
ang mga tawo
wala’y kaipsuton
sa walay undang
nga ulan
habagat gani lamang
dungagan pa sa
nagtipun-og ug
binultong basura
nga naglutawlutaw
ug ningbara
sa mga iskina
puwerting paita
samtang dinhi sa atua
hilabihang inita
murag oven nga nagbaga
dili maantoy
kinahanglan sa mall musotoy
kay presko kaayo
walay samang kabugnaw
kalibutang malinaw..