kanus-a pa man
intawon moundang
‘ning pag-pamakwit
sa mga inosente
sa kabukiran
ug kapatagan
kung dili baha
giyera’ng walay hinungdan
kung dili giyera’ng
walay hinungdan
baha sa liog taman
balik-balik lang
walay katapusan
kinsay basulon niini
katawhan o kinaiyahan
kinaiyahan o katawhan
ang tuo o ang wala
ang wala o ang tuo
wala naman ni undang
pagka-taas na sa panahon
bug-at na ang mga
lakang sa nag-antos
nga katawhan
gikapoy na sila’g tago,
dagan ug pasanginlan
kalisod nga kahimtang
O Dios panabangan
hangtud asa kutob
ang pagdagmal
‘ning atong
mga kaigsoonan.
(MindaViews is the opinion section of MindaViews. Ramon Jorge B.
Sarabosing is a writer and visual artist based in Butuan City.
)